Agjencia e Trajtimit të Pronave ka publikuar listën në të cilën ndodhen emrat e 38 pronarëve, tokat e të cilëve preken nga ndërtimet informale. Në njoftimin e publikuar thuhet se, ATP ka përfunduar procesin e shqyrtimit për 38 kërkesat, të paraqitura nga subjektet përfitues, pronarë të pasurive të paluajtshme, pronë private, të prekura nga ndërtimet informale, që përfitojnë deri më tani kompensimin/shpërblimin në vlerë, në masën 70% të shumës së përgjithshme në të holla.
Më tutje bëhet me dije se, këta persona përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse. Pra që në pronën e tyre janë bërë ndërtime informale dhe me legalizmin e këtyre ndërtesave, pronarët e truallit shpërblehen me kompensim financiar.
Ndërkaq, përcaktohet se Fondi financiar që shpërndahet nga ATP për këto 38 ( tridhjetë e tetë) kërkesa është në vlerën 79,301,567.28 (shtatëdhjetë e nëntë milionë e treqindë e një mijë e pesëqindë e gjashtëdhjetë e shtatë pikë njëzetë e tetë) lekë. Më poshtë do të gjeni listën e plotë me emrat që përfitojnë nga ky fond.
Lista:
https://atp.gov.al/wp-content/uploads/2021/12/PUBLIKIM1.pdf
Discussion about this post