Mësohet dhurata që kryeministri Edi Rama do t’u bëjë shqiptarëve më datën 4 korrik.
Sipas burimeve, Tiranën atë ditë do ta vizitojë ish-Presidenti amerikan, Bill Clinton.
Kjo datë, 4 korrik, korrespondon me Ditën e Pavarësisë së Shteteve të Bashkuara të Amerikës. Gjithashtu është edhe ditëlindja e kryeministrit Edi Rama.
Ish-presidenti Clinton vizitoi Kosovën në qershor të vitit 2019, ku u shpreh se mbarë bota mund të marrë Kosovën si shembull të demokracisë dhe përkushtimit për të përparuar dhe jetuar në paqe me fqinjët.
“Kjo është diçka për të cilën të gjitha shtetet duhet të punojnë brenda dhe jashtë kufijve të tyre. Mendoj se ju e keni rastin të vendosni edhe një shembull të ri për botën edhe për njëzet vjetët e ardhshme. Do të jem gjithmonë krenar për faktin se kam qenë president i Shteteve të Bashkuara në kohën kur juve ju duhej dikush që do të qëndronte kundër spastrimit etnik, dëbimit të njerëzve nga shtëpitë e tyre”, tha ish presidenti amerikan.
Vizita e ish-Presidentit, Bill Clinton në Tiranë vjen dhe si shprehje e mbështetjes së jashtëzakonshme dhe rolit kryesor që SHBA kanë luajtur në përpjekjet e shqiptarëve për integrim në institucionet euro-atlantike dhe evropiane.
Discussion about this post