Mesfushori Delle Ali mund të largohet gjatë merkatos së janarit nga skuadra e Tottenham Hotspur. Vlera e mesfushorit anglez ka rënë ndjeshëm dhe rëndësia e tij te ‘Spurs’ nuk është më e njëjta. Duket se trajneri Antonio Conte nuk e ka në planet e tij dhe Tottenham e kanë nxjerr në shitje tashmë atë.
‘Eurosport’ raporton se largimi i Dele Alli do të ndodhë që në fillim të janarit, me Newcastle United e West Ham United nga Premier League dhe Paris Saint-Germain nga Ligue 1, që kanë shfaqur interes për të.
Megjithatë dëshira e lojtarit është të qëndrojë në Premier League dhe skuadra favorite për t’i marrë shërbimet e tij po shihet Newcastle. Tottenham nga ana tjetër janë në pritje të një oferte prej 30 milionë euro për të hequr dorë nga 25-vjeçari.
Këtë sezon me fanellën e ‘Spurs’, mesfushori ka zhvilluar 16 ndeshje, ku ka realizuar dy gola dhe ka bërë një asistim./K.T/Gijotina.com
Discussion about this post