Si rezultat i variantit Delta dhe rritjes së rasteve të reja, Kosova do t’i rikthehet masave shtrënguese. Nga ora 22:00-05:00 e ditës së sotme do të rikthehet ora policore, ndërsa baret dhe restorantet do të lejohen që të punojnë deri në orën 21:00.
Nga 1 shtatori është caktuar që nxënësit të rikthehen në bankat e shkollës më 13 shtator. Në takimin e bërë nga ministri i Shëndetësisë Arben Vitia dhe kryetarëve të komunave, u vendos edhe shtyrja e fillimit të vitit të ri Akademik.
“Mësimi po shtyhet deri më 13 shtator. Gastronomia do të punojë deri në orën 21.30. Ndërsa do të vendoset edhe ora policore nga ora 22:00 deri në parën 05:00. 1 mijë e 16 punëtorë shëndetësore dhe inspektorë do të shtohen. Kërkesa e komunave rreth furnizimit me barna do te plotësohet, pra 92 për qind e kërkesave par furnizim do të plotësohen. Ne si Asociacion kërkuam shtimin e inspektorëve komunal që masat të zbatohen si dhe hapjen e qendrave të reja të vaksinimit, ministri tha se kjo varet prej numrit të vaksinave. Kërkesa jonë ishte edhe që të bëhet decentralizimi i rekrutimit të personelit”- ka deklaruar ministri.
Në 24 orët e fundit, 16 qytetarë nuk kanë mundur ta fitojnë betejën me koronavirusin, duke e çuar numrin e përgjithshëm të viktimave në 2.404. Si rezultat i 12.564 testimeve, kanë rezultuar pozitivë 2.098 qytetarë.
Masat e reja në Kosovë
–Mësimi nuk fillon deri më 13 shtator dhe atëherë të rivlerësohet situata.
– Gastronomia do të punoj vetëm deri në ora 21:30 dhe vetëm në ambiente të jashtme.
– Do të ketë kufizim të lëvizjes nga ora 22:00 deri ora 5:00.
– Do të rekrutohen 1116 personel shëndetësorë dhe inspektues për të fuqizuar betejën e kundër kësaj pandemie.
– Komunat në shkallë 92% sipas kërkesave të tyre janë furnizuar me barna esenciale.
– Në fillim të shtatorit do të mbërrijnë edhe 470 mijë vaksina përmes Covax.
– Deri me 13 shtator do të punohet vetëm me staf esencial nëpër institucione.
