Personi që shihni në foto është Ilir Thana, që akuzohet nga Prokuroria e Tiranës se i shkaktoi shtetit një dëm prej 1.2 milionë Eurosh, duke përfituar kompesim për një pronë që ishte trajtuar njëherë me dëmshpërblim.
Për të vënë në jetë këtë skemë, Thana tashmë i arrestuar, përfshiu përmbaruesin gjyqësor, Alban Ruli i cili mori përsipër të plotësojë dokumentacionin për rivlerësimin e pronës prej 187 m.
Emri i tij është ndër më të lakuarit ditët e fundit, pasi procedurat e kompensimit çuan në pranga edhe Sekretarin e Përgjithshëm, Arlind Gjokutaj, Drejtorin e Shërbimeve Mbështetëse, Fatmir Hoxha dhe përmbaruesin Ruli.
Sipas Prokurorisë së Tiranës, dy ish-zyrtarët kanë dhënë dritën jeshile për kompesimin e Thanës ndonëse prona e këtij të fundit ishte trajtuar njëherë me dëmshpërblim në vitin 2015. Pala mbrojtëse thotë se procedura e ndjekur prej tyre ka qenë e rregullt dhe pritet ta apelojë vendimin.
Çështja doli në dritë kur një bankë e nivelit të dytë e denocoi Thanën në prokurori, për shkak se ai i kishte kaluar paratë e kompenisimit në një llogari të motrës së tij.
Në këtë mënyrë, sipas bankës, ai po shmangte pagesën e një detyrimi prej 20 milionë Lekësh që i kishte bankës nga një kredi e pashlyer.
Discussion about this post