Një gjest i madh bujarie. Ousmane Dembélé i erdhi në ndihmë klubit të tij stërvitor Evreux (Div. 2) në Francë, i cili po përballet me probleme të mëdha financiare që nga vera e kaluar. Përpara se kalonte në qendrën stërvitore të Rennes, lojtari i skuadrës katalanase dhe i kombëtares franceze, ka bërë një donacion të konsiderueshëm për klubin, ku ai nisi futbollin. Te kjo skuadër kanë hedhur hapat e parë edhe Bernard Mendy, Mathieu Bodmer, Steve Mandanda, apo edhe më vonë edhe Dayot Upamecano.
Një donacion prej rreth 100.000 euro
“Presidenti i klubit të futbollit Evreux 27, Samuel Brigantino dhe Guy Lefrand, kryebashkiak i Evreux, dëshirojnë të falënderojnë Ousmane Dembélé për bujarinë e tij dhe mbështetjen financiare të dhënë për klubin në këtë periudhë të vështirë. Ousmane, fëmija i klubit, i trajnuar nga EFC27 dhe krenaria e qytetit të Evreux. (…) e ka mbështetur gjithmonë klubin dhe na lejon sot, me mbështetjen e edukatorëve dhe vullnetarëve tanë, t’u ofrojmë 700 anëtarëve tanë kushte më të mira për të praktikuar disiplinën e tyre dhe për të ndjekur gjurmët e tij. Gjesti i tij bujar shpreh shkallën në të cilën Ousmane nuk e ka humbur kurrë nga sytë klubin e tij stërvitor dhe tregon rrugën drejt përulësisë këtu,”- tha klubi Evreux.
Nëse shuma e paguar nga sulmuesi i Barcelonës nuk zbulohet nga klubi, donacioni do të arrinte në 100.000 euro, sipas gazetarit Alexandre Sanson. Dhe në të kaluarën, Ousmane Dembélé kishte treguar bujari duke marrë pjesë, në vitin 2020, në një nismë të lançuar nga Mathieu Bodmer për të ndihmuar kujdestarët dhe shoqatat e ndryshme në luftën kundër Covd-19, por edhe për t’u angazhuar me bamirësi lokale.
Discussion about this post