Ousmane Dembele po kalon një fazë rikuperimi, dhe kjo është arsyeja përse ai nuk ka luajtur ende asnjë ndeshje me Barcelonën.
Por për francezin ky është viti i fundit i kontratës, dhe përkundër përpjekjeve të katalanasve, Dembele ende nuk ka pranuar rinovimin e saj.
Mediat spanjolle raportojnë se në Angli janë katër skuadra të mëdha që i kanë sytë nga situata në Camp Nou, ku Arsenal, Liverpool, Manchester United dhe Tottenham janë të interesuar për francezin.
Megjithatë Barcelona është e vendosur të vazhdojë bashkëpunimin me Dembelen të cilin e sheh si pjesë të rëndësishme për të ardhmen e klubit, por duhet të marrin një vendim të menjëhrshëm, pasi duke e mbajtur pranë tyre pa rinovim, rrezikojnë ta humbasin me parametra 0 në merkaton verës.
