Ish-kryeministri Sali Berisha ka zhvilluar ditën e sotme takim me qytetarët në Elbasan. Teksa diskutimet kanë qenë nga më të ndryshme, një demokrat i ka bërë një kërkesë Berishës. Ai i ka kërkuar ish-kryeministrit që Gazement Bardhi të mos shkojë më në Elbasan edhe pse ka marrë mandatin.
“Dua të di se në drejtimin tuaj kaq kohë, nuk do të mbani më njerëzi mosmirënjohës si Lulushi e Bardhushi krahë jush. Konsultohu me juristët e deputetëve, por Gazment Bardhi të mos shkelë më në Elbasan edhe pse ka marrë mandatin, Elbasani ka vetëm një deputet, vetëm Luçiano Boçi. Ai mori mandatin iku në Tiranë dhe u zhduk”, u shpreh simpatizanti.
Ndërkohë Berisha në fjalën e tij ai tha se do të bëjnë çdo gjë që të mos shkelmohet ligji i partisë dhe të zbatohet statusi.
“Përpjekja për të përzgjedhur në përputhje me kritere është e domosdoshme, por mbi të gjitha është zbatimi i ligjit të partisë. Ne duhet të bëjmë gjithçka që askush të mos mendoj se mund të shkelmoj mbi ligjin e partisë. Zbatimi i statutit do na mbrojë ne. Ehe unë kam një zhgënjim të jashtëzakonshëm për qëndrimet e tyre, jo ndaj meje, por ndaj jush”, i është përgjigjur Berisha.
Për Berishën çdo parti që vendos kryetarin mbi ligjin shndërrohet në një parti anti-demokratike.
Discussion about this post