Ylli i Kombëtares shqiptare, Armando Broja nuk do të jetë në ndeshjen e Southampton kundër Watford këtë të dielë.
Dëmtimi që mori në takimin me Burnley i ka ndaluar pak hovin sulmuesit, i cili tashmë do duhet të presë dhe pak derisa të zbresë sërish si titullar.
Trajneri i tij Ralph Hasenhutl ka bërë me dije se 20-vjeçari ka probleme me kyçin e këmbës dhe për këtë arsye është shprehur me keqardhje që nuk do e ketë në dispozicion në sfidën e radhës të Premier League.
“Ai dëmtoi kyçin e këmbës kur shënoi ndaj Burnleyt dhe nuk është rikuperuar ende, ndaj nuk do të udhëtojë me skuadrën nesër. Më vjen keq që ndalet në këtë moment, pasi ishte në formë të mirë fizike dhe mbi të gjitha mendore, megjithatë besoj që ky pushim, do ta ndihmojë të rikuperohet në mënyrën më të mirë të mundshme”,-tha tekniku.
Rikujtojmë se pas kualifikueseve të tetorit, Broja ka zhvilluar dy ndeshje me Southampton, një kundër Leeds dhe tjetra kundër Burnley dhe ka shënuar te të dyja ato./K.T/Gijotina.com
