Mbrojtësi i ekipit kombëtar, Berat Gjimshiti u dëmtuar ndaj Hungarisë në pjesën e parë për shkak të një lëndimi të rëndë. Futbollisti kuq e zi u përplas me portierin Etrit Berisha teksa ndjeu dhimbje të tmerrshme duke u detyruar të largohet nga fusha me barelë.
Është mësuar se ai ka pësuar frakturë dhe duhet t’i nënshtrohet operacionit. Ndaj sot ai ka udhëtuar drejt Bergamos për ta kontrolluar ndërsa nesër do të jetë në Torino për të kryer ndërhyrjen kirurgjikale.
Koha e rikuperimit mësohet se është minimumi një muaj. Një lajm shumë i keq për Atalantën por edhe për kombëtaren shqiptare pasi Gjimshiti pritet të mungojë në muajin nëntor për sfidën me Anglinë dhe Andorës.
