Franca është vetëm një hap larg kualifikimit në kampionatin Botëror të Katarit teksa renditen në vendin e parë në grupin D në kuotën e 12 pikëve.
Franca është shumë afër kualifikimit në Katar 2022. Kampionët në fuqi të botës, renditen në krye me 12 pikë në grupin D të eliminatoreve të Botërorit, teksa mjafton një fitore për siguruar zyrtarisht vendin e parë.
Kampionët në fuqi të Botës sfidon Kazakistanin teksa trajneri Deshamp thekson se duhet një ndeshje perfekte për të fituar në këtë sfidë ku mungon Pogba.
“Vetëm një gjë ka rëndësi, kualifikimi në Katar 2022. E gjithë energjia dhe vëmendje ime janë të fokusuara në realizimin e objektivit.
Gabojmë nëse mendojmë se jemi kualifikuar sepse luajmë me Kazakistanin. Do të arrijmë në këtë ndeshje me të gjithë forcat dhe vullnetin tonë për të fituar.
Çfarë mësimesh duhet të nxjerrim nga viti 2021? Asnjë! Unë analizoj çdo ndeshje dhe çdo turne, por mos më kërkoni një përmbledhje, pasi mungojnë edhe dy ndeshje.
Franca ime mbetet një nga kombëtaret më të forta në botë. Duhet të qarkullojmë topin ndaj Kazakistanit, ndeshja që luajtëm në transfertë kundër tyre nuk ishte aspak e thjeshtë.
Duhet të respektojmë kundërshtarin dhe të futemi në fushë më të vendosur se kurrë, nuk duhet t’u japim asnjë shans atyre”, deklaroi Deschamps.
Discussion about this post