Ish-kryeministri Sali Berisha ka reaguar sot në lidhje me lajmin që ka bërë bujë ditën e djeshme në rrjet, ku këngëtari Bojken Lako u dënua me 3 vjet burg për hapjen e 3 dritareve pa leje. Berisha e quan këtë një akt të paprecedentë dhe korruptiv. Sipas tij, policia me urdhër të Ramës arreston ata që nuk pranojnë t’i servilen dhe t’i thuren lavde. Berisha tha se është e turpshme që dënon me aq vite burg ditë që hap 3 dritare dhe të lësh të lirë ata që ndërtojnë pallate pa leje në mes të Tiranës.
“Një akt i pashembullt i paprecedentë, një urrejtje e neveritshme e Edi Ramës ndaj një njeriu, një këngëtari të mirënjohur, i cili për fajin e vetëm se nuk pranoi t’i thurë këngë “mbretit” të Milva Konomit, “Skënderbeut” të Spiropalit, “Zeusit” të Bilalit…Gjetën ta dënojnë me 3 vite burg sepse paska hapur një dritare pa leje, ndërkohë që bëhen pallate shumëkatëshe pa leje. Kjo është dëshmi e shndërrimit të sistemit të drejtësisë në degë të ekzekutivit dhe hakmarrjes primitive ndaj një këngëtari kaq të dashur për shqiptarët”, tha ai. Ndërsa u shpreh se kjo tregon se drejtësia është kapur nga qeveria dhe nuk është në mbrojttë të qytetarëve.
Discussion about this post