Renditja e Serisë A ka pësuar një ndryshim të rëndësishëm me dënimin e Juvenusit nga Komisioni i Apelit i Federatës Italiane për shkak të mashtrimit financiar nëpërmjet plusvalencave.
Juventusi ndante vendin e tretë me Interin para këtij vendimi, në kuotën e 37 pikëve por tani e sheh veten duke rrëshqitur shumë poshtë, në vendin e 12 në klasifikim me vetëm 22 të tilla, po aq sa Bolonja e Empoli.
Tani bardhezinjtë kanë 12 pikë diferencë nga vendi i 6 që mbahet nga Roma, pozicioni i fundit që të garanton pjesëmarrjen në Europë. Një distancë thuajse e ngjashme është ajo që e ndan nga vendi i 18, ai që mban Sampdoria. Bardhezinjtë janë 13 pikë larg kësaj të fundit, që gjendet në pozicionin i cili sjell rënien në Serinë B në sezonin e ardhshëm.
Discussion about this post