Çështja e ish-prokurorit Adriatik Llalla po zvarritet në zyrat e togave të zeza. Pretendimet e tij se është në gjendje të keqe shëndetësore, për t’i shpëtuar burgut, janë hedhur poshtë nga një foto e cila ka qarkulluar në media ku ai dyshohet se është parë në një stacion treni në Romë.
Theksojmë se Apeli i GJKKO ka lënë në fuqi vendimin për dënimin me 2 vite burg. Fillimisht u pretendua se Llalla prej një jave është larguar jashtë vendit për t’u mjekuar në një klinikë private.
Për këtë të dhënë ka reaguar edhe avokati i Lallës: Unë isha në gjykatën e Apelit dhe shtrova pretendimet e mia për mbrojtjen ligjore. Klienti im ndodhet aktualisht në regjim spitalor.
Theksojmë se nëse nuk paraqitet pas lënies në fuqi të vendimit, ndaj ish kryeprokurorit mund të shpallet mandat arresti e urdhër kërkimi ndërkombëtar.
