Para disa ditësh Gjykata e Lartë e Republikës Popullore të vetëquajtur Donetsk dënoi me vdekje luftëtarët britanikë Aiden Aslin , 28 vjeç, nga Nottinghamshire dhe Shaun Pinner , 48 vjeç, nga Bedfordshire si dhe Saaudun Brahim , një shtetas maroken, i cili luftoi për ushtrinë ukrainase.
Gjykata e Lartë e Republikës i shpalli ata fajtorë për “terrorizëm” pasi kishin luftuar si “mercenarë”. Aslin , 28, nga Newark, dhe Pinner , 48, nga watford, u mbrojtën duke pretenduar se ishin ushtarë të ushtrisë së rregullt ukrainase dhe duke pretenduar kështu të drejtën për t’u trajtuar si robër lufte sipas Konventës së Gjenevës.
Për këtë vendim ka reaguar qeveria e Boris Johnson duke u shfaqur e shqetësuar.
“Ne kemi thënë vazhdimisht se ata janë robër lufte, se ata nuk duhet të shfrytëzohen për qëllime politike dhe se ata kanë të drejtën e imunitetit sipas Konventës së Gjenevës,” tha një zëdhënës i Downing Street.
Londra vazhdon të “punojë me autoritetet ukrainase për të siguruar trajtimin e të burgosurve të luftës për çdo shtetas britanik” të regjistruar në forcat e Kievit.
Discussion about this post