GJKKO ka dënuar me dy vite burg ish-kryeprokurorin e Përgjithshëm Adriatik Llalla. Bëhet me dije se për 5 vite Llalla nuk mund të ushtrojë asnjë funksion publik.
Kujtojm se procesi ndaj ish-prokurorit të përgjithshëm Llalla u rihap nga e para në seancën e 16 Prillit. Ai akuzohet për disa veprat penale që përfshijnë “refuzim për deklarim, mos deklarim, fshehje ose deklarim i pasurive, interesave privat të personave të zgjedhur dhe nëpunësve publik ose i çdo personi tjetër që ka detyrim ligjor për deklarim” në tre raste.
Adriatik Llalla u hetua edhe për pastrimin e parave, por në finale ai u dërgua për gjykim vetëm për fshehje të pasurisë.
