Sergio “Koke” Contreras, ish-sulmues 40-vjeçar, i cili u aktivizua për ekipe të mëdha evropiane si Olympique Marseille, Sporting Lisbonë apo Malaga, u dënua me 6 vjet burg, pasi pranoi se drejtonte një rrjet të trafikut të drogës.
Contreras pati momentet më të mira të karrierës së tij në Greqi te Aris Selaniku, ku u bë gjithashtu kapiten i ekipit në vitin 2009, ku shënoi në të gjitha 176 ndeshjet, 39 gola dhe 25 asistime.
Pasi përfundoi karrierën e tij aktive në futboll, në verën e vitit 2016, ish-sulmuesi spanjol u kthye në një zonë tjetër për të siguruar një burim të ardhurash dhe u bë bosi i një rrjeti shpërndarësish droge!
Rrjeti i Contreras operonte ndërkombëtarisht, në të gjithë Evropën dhe ishte i përfshirë kryesisht në transportin e marijuanës dhe kokainës. Lënda narkotike fshihej në kartele droge që ndiqnin rrugët në të gjithë Kontinentin e Vjetër dhe shpërndaheshin në disa vende.
Në fund të vitit 2019, “Koke” Contreras u kap më në fund, së bashku me 16 bashkëpunëtorët e tij të ngushtë, që punonin për rrjetin. Fillimisht ai u dënua me 16 vite burg, por pasi pranoi se është vërtet kreu i të gjithë biznesit dhe zbuloi të gjitha detajet e biznesit, dënimi u ul në 6 vite.
Discussion about this post