Kreu i PD, Sali Berisha, në fjalën e tij gjatë mbledhjes së Grupit Parlamentar ka akuzuar kryeministrin Edi Rama për takime të fshehta dhe me pagesa me ish zyrtarin e arrestuar të FBI, por tha se këto takime janë kryer dhe me Ardi Velin, me shefin e Shërbimeve dhe kupolën e Policisë.
Berisha: Mafia qeveritare shqiptare është mafia më e rrezikshme e Evropës dhe planetit ndoshta.
Shqipëria me dy mafiozë, Agron Nezën dhe Dorian Duckën arrin të fusë në rrjet një njeri të brishtë nga morali e cdo gjë.
Në vend se të informonin menjëherë vendin partner, këta e shfrytëzuan dobësinë e tij dhe e angazhuan në një luftë politike të paimagjinueshme.
E paguan atë për veprimtari antikushtetuese në SHBA. E paguan për përdorimin e institucionit themelor të sigurisë së brendshme për qëllimet e tyre politike, që të trajtojë FBI si një agjenci private.
Edi Rama është bashkëautor në këtë krim të shëmtuar. McGonigal ka bërë 6 udhëtime në Shqipëri, takime jo vetëm me Ramën, me Ardi Veliun, me shefin e Shërbimeve, me kupolën e Policisë. Thuhet se të gjitha i ka bërë me fatura, me pagesa. Që të gjitha udhëtime të fshehta.
E paimagjinueshme. Që të gjitha udhëtime duke mos deklaruar hijen e zezë, oficerin e Sigurimit që e shoqëronte dhe ne tualet ka rrezik, Agron Nezën. Merrte shumat po firmoste dhe marrëveshje me këtë që të zhvaste dhe nja 500 mijë euro në Bosnje për takime politike në misionin e SHBA në OKB.
Rama me Agron Nezën dhe Duçkën bënë gjithcka ti japin këtij njeriu cdo mundësi që të shkelmojë rregullat, Kodin e institucionit të tij, me rëndësi kapitale jo vetëm në SHBA por për mbarë vendet e NATO dhe vendet e lira.
Discussion about this post