Deputetja e Partisë Demokratike, Jorida Tabaku ka denoncuar se Bordi i Transparencës i krijuar nga qeveria për menaxhimin e krizës, në të vërtetë po ruan monopolet duke përcaktuar çmimet.
Tabaku shkruan në Facebook se Shqipëria ka për të pasur një nivel të lartë inflacioni që do të vazhdojë edhe në vitet në vijim, ndërsa shton se rritjen e të ardhurave, qeveria po e përdor për koncensionet dhe jo pagat apo pensionet.
“Shqipëria ka për të pasur një nivel të lartë inflacioni që do të prekë me gjasë edhe 5% edhe që do të vazhdojë edhe në vitet në vijim. Masat që duhet të marrë qeveria janë ato që lidhen me politikat fiskale dhe kanalizimi i ndihmave tek qytetarët e pamundur. Në fakt, qeveria po kanalizon çmimet dhe gjithë sajesat e saj për oligopolet. Rritja e të ardhurave në buxhet si shkak i inflacionit është fakt por qveria preferon që me ato të ardhura të indeksojë inflacionin për kontratën e inceneratorit dhe jo rrogat dhe pensionet”, shkruan Tabaku.
Sipas deputetes demokrate, opozita i ka propozuar qeverisë ndërhyrje por ajo refuzoi pasi nuk ka dëshirë të ndihmojë shqiptarët por, sipas PD, oligarkët.
Discussion about this post