Denoncimi, mjeku pi cigare në dhomë me pacientin e intubuar (VIDEO)

Një denoncim është publikuar në rrjetet sociale, i cili nëse rezulton i vërtetë përbën një skandal për QSUT dhe bluzat e bardha.

Në një video të publikuar nga JOQ, pretendohet se një prej personelit mjekësor të QSUT po konsumon cigare në një dhomë, ku sipas denoncueses, ndodhet i shtruar një pacient që është në intubim.

Nuk dihet nëse mjeku ndodhet atje ku thotë denoncuesja apo në një tjetër ambient, edhe pse dihet që duhani ndalohet tërësisht në ambiente të mbyllura, veçanërisht në ato shëndetësore.

“Ndërkohë që presim ndonjë lajm për personin që kemi në intubím thotë kemi pastrim të dhomave nuk mund të futeni.

Dhe zotnia sikur është në kafene pi cigare brenda ambjentit me personat e intubuar! Turp të kenë
Është për të ulëritur me të madhe se kam familjare në gjendje intubimi“, shkruan qytetarja krahas videos.