SPAK lëshoi 50 urdhër-arreste javën e kaluar, duke goditur 7 grupe kriminale, mes të cilëve ishin dhe ish-efektivë dhe ish-zyrtarë të Policisë së Shtetit. Nisur nga ky fakt, gazetarja Anila Hoxha ka treguar një episod të një interviste para disa kohësh me një shpërndarës kokaine i sapo dalë nga burgu.
Shpërndarësi i kokainës i ka thënë gjatë intervistës se shefat e Policisë kishin vjedhur drogën dhe kishin raportuar vetëm një ngarkesë minimale të bllokuar. Anila Hoxha shkruan se në atë kohë kishte pritur hetim, por sipas saj, përkundrazi shefat e zellshëm bënë reprezalje dhe investigim të thelluar për të zbuluar se cilët ishin “armiqtë”.
Gazetarja tregon se më vonë kokaina u vodh edhe në periferi të Tiranës, ku i dyshuar ishte një oficer i RENEA-s. Sipas saj, Policia u mban sekret gazetarëve, por u jep informacion në kohë rekord kriminelëve.
“Mbasi studiova dosjen e radhës me vrasës hakmarrës, trafikante, ish deputete , dhe shefa policie , kthej kokën pas tek raportimet e mia. Jo shume larg në kohë në emisionin Exclusive investigova rrjetet e shpërndarjes së drogës në Shqipëri. Për personazhin u kujdesa që edhe gjatë intervistës bruto (në rast së nisnin hetimet për ta identifikuar pra për të mos e vrare kush) e filmova me një kapuç ngjyrë mavi. Ai sa kishte dale nga burgu dhe duke me rrëfyer se si funksiononte shpërndarja e kokainës mes te tjerash tha “shefat e policisë e vodhën drogën dhe raportuan një ngarkesë minimale të bllokuar”. Prita hetim ndaj ndonjë shefi atëherë, por përkundrazi shefat e zellshëm bënë reprezalje dhe investigim të thelluar për të zbuluar se cilët ishin “armiqtë”.
Më vonë kokaine u vodh dhe në periferi te Tiranës. U tha se nder te dyshuarit ishte edhe një oficer i Renea-s. Disa e ekspozuan si biznesmen. Gjate 2018 – 2019 – 2020 …Policia e prokuroria? Mbanin sekret nga gazetaret, por u jepnin informacion në kohë rekord krimineleve, për targat, ke shoqërojnë, a ka gjurme nga hedhja ne ere e nje shtetasit per te cilin shprehen “do ta dërgojme ne fluturim”, e te tjera. Ka shume te tjerë, qe nuk duhet ta mbajne nje minute uniformen e shenjte te policit. Apo të pretendojnë se janë prokurorë, gjasme biznemenë, gjasme punonjës institucionesh. Vetëm kjo e kthen besim ne ligj dhe ne shtet.” – shkruan Anila Hoxha në rrjetet sociale.
Discussion about this post