Tenderi 100 milionë lekë i Veliajt për të zgjeruar varrezat e Tufinës është denoncuar për shkelje dhe burokraci. Një javë më parë Gijotina.com tregoi se Erion Veliaj firmosi në shkelje të ligjit tenderin me objekt “Zgjerimi i hapësirave të varrezave publike Tufinë”, Kontratë me vlerë 100 milionë lekë. Ky prokurim u mor pa garë fare nga bashkimi operatorëve “GLAVENICA” shpk & “NGRACAN 1934”. Pasi Veliaj i përjashtoi të gjitha ofertat e tjera dhe la vetëm ofertën e këtyre firmave, lidhi kontratë me firmën e preferuar.
Fakti që ky tender u mbyll pa garë dhe mban “Flamurin e Kuq” përbën alarm dhe risk për korrupsion me fondin. Gjithsesi, Veliaj as që e merr në konsideratë ligjin.
Tenderi është denoncuar me datë 20 dhjetor 2022 nga një prej kompanive që dorëzoi ofertën e saj për këtë tender. Sipas dokumentit, ankesa është bërë nga “Dajti Park 2007” SHPK. Ankuesi pretendon se nga ana e Autoritetit Kontraktor janë vendosur kritere burokratike, s;i kërkimin e disa certifikatave që për shërbimin në fjalë nuk janë të nevojshme. Ndërkohë, kërkohet dorëzimi i punëve të mëparshme të ngjashme që duhet të kishin bërë kompanitë garuese. Meqenëse Veliaj e ka paracaktuar fituesin, janë skualifikuar 7 kompanitë e tjera dhe është shpallur fituesi pa garë.
Denoncuesi pretendon se fituesi është i parapëlqyer nga Bashkia Tiranë. Duke hedhur hije dushimi mbi bashkëpunimin se edhe kjo është një aferë e zkonshme nga ato të Veliajt. Megjithëse, akoma nuk është dhënë vendimi i KPP për këtë denoncim, duket qartë që kemi të bëjmë me abuzim dhe thyerje të ligjit për prokurimin.
Aferat me Eljodor Ndinin
Kujtojmë këtu se pazaret për varret në Tufinë vazhdojnë prej kohësh. Veliaj dhe Eljodor Ndini, Drejtori i Agjencisë së Shërbimeve Funerale të Bashkisë Tiranë, bëjnë pazare dhe kur vjen fjala varret.
Para pak ditësh treguam se Eliodor Ndini i marrë nën hetim për tri vepra penale. Ai është marrë i pandehur për korrupsion pasiv, sepse për çdo varr merrte shuma nga 200 deri në 1 milion lekë. Në këtë skemë kanë qenë të përfshirë dhe punonjës të tjerë të bashkisë, të cilët sigurisht i kanë krahët e ngrohtë nga Lali Eri.
Në materialin hetimor të siguruar flitet për një nga disa episodet e hetuara. Eljodor Ndini është kapur duke marrë para dhe euro, në këmbim të shitjes së një sipërfaqe toke për qëllime varrimi në Tufinë.
Në një nga këto raste ai ka marrë 800 mijë lekë që t’i gjente një personi varr për familjarin e tij që është larguar nga jeta. Pra, siç tregojnë faktet, Veliaj dhe Ndini i bëjnë bashkë planet. Aktualisht po zgjerojnë hapësirën për varreza që më pas ta përdorin si biznesin e tyre. Në këto kushte shpresojmë që edhe SPAK do hetojë përtej faktit se kemi një tender pa garë, për të cilin po vijnë valë ankesash dhe denoncimesh.
Lexo edhe Veliaj vjedh edhe të vdekurit! 100 mln lekë pa garë për varrezat
Lexo edhe 1 mln lekë varri në Tufinë, i pandehur drejtori i bashkisë Tiranë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post