Nuk kanë fund ankesat pranë Komisionit të Prokurimeve Publike. Këtë herë në skandal është përfshirë Bashkia e Shkodrës.
Shkeljen e hapur që ka bërë bashkia me tenderin me vlerë 4.2 miliard lekë për pastrimin e Shkodrës këtë herë e ka denoncuar një nga kompanitë e skualifikuara nga gara pa të drejtë. Kompania “ECO Empire Shpk” ka denoncuar rastin pranë KPP duke pretenduar se argumentet për largimin nga gara nuk janë bërë komfort ligjit.
Në dokumentin e siguruar nga gijotina. Com., një nga shkeljet që ka nxjerrë pa të drejtë nga lista e konkurrimit firmën në fjalë është përllogaritja e kostos për pastrimin e cila rezulton në kundërshtim me ligjin.
Operatori ekonomik thekson në ankesën për këtë tender pa garë, se në dosje rezulton që vlera e fondit limit, referuar specifikimeve teknike dhe kërkesave të AK duhet të ishte më e madhe në referim të VKM R.319 DATE 31.05.2018 “Për miratimin e masave për kostot e menaxhimit të integruar të mbetjeve”.
Në këtë rast firma kërkon nga ana e Komisionit të Prokurimit, kryerjen e një akti ekspertimi në përllogaritjen e fondit limit, duke analizuar jo vetëm dokumentacionin e paraqitur në dosjen e tenderit por dhe ato të mbajtura nga autoritetit kontraktor, pasi rezulton se përllogaritja e fondit limit nuk është hartuar në përputhje me parashikimin e ligjit të sipër cituar.
Për këtë arsye kërkohet anulim i procedurës së prokurimit.
Discussion about this post