Pas akuzave për kushte jo të mira të ambulancës që transportoi gjeniun e letrave Ismail Kadare nga shtëpia në spital, ka dalë në një komunikim me median shefi i shërbimit të Urgjencës, Skënder Brataj.
Brataj ka thënë se “ne i kemi ndenjur gati shkrimtari edhe në banesën e tij ‘festive’ në qerret edhe në Tiranë”.
Përveç lapsusit, që një shtëpi pushimi e quan banesë festive, shefi i urgjencës ka shpjeguar me gjuhë teknike se ambulanca që transportoi Kadarenë në spital ishte në kushte të mira dhe e pajisur me të gjitha mjetet.
Brataj tha se përgënjeshtronte deklaratat e Bujar Hudhrit, i cili është botuesi i Kadaresë prej 30 e ca vitesh dhe e ka ironizuar atë duke thënë, se “zoti Hudhri vetëm të mos ketë pasur syze…”.
“E kemi ndjekur gjendjen e tij, kam qenë i përditësuar, ka pas ekip mjekësh që bënin vizita të rregullta sa herë shfaqej shqetësimi më i vogël. Hudhri vetëm të mos ketë pasur syze, se defilibratori ishte i montuar dhe ekipi mjekësor që bënte masazhin kardiak edhe gjatë transportit drejt spitalit. Hudhri ka ardhur më vonë pasi e ka gjetur ekipin në vendngjarje. Është zbatuar protokolli për të shpëtuar jetën e zotit Kadare. Ambulanca ka aspiratorin, çantën me medikamente dhe sete të tjera që përdoron sa herë është e nevojshme, dy bombola oksigjeni 10 litroshe, dy bombola 2 litroshe që merret në rast urgjence që në banesë, ka një barelë, karrocë me rrota”, tha Brataj.
Lexo edhe:
Botuesi i Kadaresë: Ambulanca që e mori pa kushte, u bllokuam prej trafikut në Tiranë
Discussion about this post