Deputetja e Partisë Demokratike, njëkohësisht bashkëkryetarja e Komisionit për Reformën Territoriale, Dhurata Çupi, ka dorëzuar në Kuvend projektligjin për ndarjen territoriale.
Në një deklaratë për mediat, Çupi u shpreh se propozimet janë bërë duke marrë parasysh interesin e qytetarëve, duke kërkuar që numri i bashkive të shkojë në 94 në total nga 61 që janë aktualisht.
“Sot, ne deputetët e opozitës depozituam projekt-ligjin për miratim. Ky është një propozim që mbron interesat e qytetarëve shqiptarë. Kemi propozuar 94 bashki si numër total. Këto janë kërkuar nga konsultimet me qytetarët në të gjithë vendin. Kemi qenë në zona rurale, urbane, kemi dëgjuar interesat e qytetarëve shqiptarë. Ne mendojmë se ky projektligj i mbron interesat e tyre. Ishte një komision i ngritur me konsensusin e të gjithë forcave politike sepse tashmë në tetë vite kjo reformë e miratuar pa konsensusin e opozitës, shkoi drejt dështimit. Në këtë kuptim prandaj kemi sjellë këtë qasje për t’i dhënë vendit një reformë dinjitoze. Unë uroj që t’i thërrasin arsyes dhe të miratojnë një reformë për të mirën publike”, u shpreh Dhurata Çupi.
Discussion about this post