Deputetë të Partisë Demokratike, kryesuar nga kryedemokrati Sali Berisha kanë firmosur Rezolutën kundër gjenocidit serb në Kosovë dhe e kanë depozituar në Kuvend të martën e 30 majit.
Rezoluta e cila ishte paralajmëruar me 10 Maj nga deputeti Tritan Shehu, pritet te diskutohet ne Parlament. Ajo kërkon nga qeveria shqiptare që të shpallë 15 janarin ditën e përkujtimit të masakrës së Reçakut, Genocidit ndaj Shqiptarëve në Kosovë.
Kujtojmë që kjo është rezoluta e dytë që paraqet një grup deputetësh së bashku me firmën e Berishës. Edhe kjo rezolutë pritet të rrëzohet që në Konferencën e Kryetarëve, siç ndodhi me të parën.
Kjo për shkak se mazhoranca e ka paralajmëruar që nuk do të njohë asnjë dokument të dorëzuar në Kuvend që mban firmën e Sali Berishës.
Ndërkohë me të njëjtin objekt, në Kuvend ka dorëzuar Rezolutë për dënimin e gjenocidit serb në Kosovë edhe një grup deputetësh të PD, kryesuar nga Enkelejd Alibeaj.
Discussion about this post