Në 24 shtator në Kukës mbahen zgjedhjet e pjesshmë vendore, ku qytetarët do të votojnë për kryebashkiakun e ri.
Në garë janë dy kandidatë, Emri Vata i mbështetur nga “Bashkë Fitojmë” dhe Albert Halilaj i mbështetur nga PS. Ndërkohë PD e Lulzim Bashës nuk arriti të nxjerrë një kandidat, edhe pse në Komisionet Zgjedhore do të ketë dy përfaqësues.
Në mbështetje të kandidatit Emri Vata duket se janë bërë bashkë deputetë të grupimeve të ndryshme në PD, duke lënë mënjanë përplasjet. Në një foto të publikuar nga deputeti Flamur Noka, në kraj të kandidatit Vata, është edhe deputeti Flamur Hoxha, i pozicionuar për një kohë të gjatë në atë që njihej si grupimi Basha, por më pas i distancuar.
Hoxha, në kulmin e përplasjeve mes Lulzim Bashës dhe Sali Berishës, u shfaq në krah të të parit, madje në atë kohë u emërua edhe në një post sekretari.
Popr në garën e Kukësit ai është bërë bashkë me deputetët Edi Paloka, Isuf Çelaj, Tomorr Alizoti dhe Flamur Noka, të cilët kanë zhvilluar takimin e rradhës në Gostil në mbështetje të kandidatit Vata.
Discussion about this post