Deputeti i Partisë Demokratike, Saimir Korreshi ka reaguar pas ngjarjes së ndodhur sot në Divjakë, ku kryetari i bashkisë Fredi Kokoneshi dhe shoferi i tij u plagosën me thikë.
Përmes një postimi në Facebook, Korreshi ka denoncuar edhe një grabitje me armë në mes të ditës në mes të qytetit.
Sipas tij, shteti është në kaos dhe këto janë pasojat e fukarallëkut dhe të shtetit të shpartalluar.
“Divjaka në gjendje lufte vetëm se kësaj radhe nuk bëhet më lajm edhe pse ky i dyti është më i frikshëm. Në qendër të Divjakës sot në orën 15:40 është vjedhur me armë nga 3 persona të maskuar Agjencia e Western Union. Në ato momente Policia ka qenë në drejtim të paditur dhe pikërisht në drejtim të paditur ikën dhe autorët. Shteti në kaos, këto janë pasojat e fukarallëkut dhe të shtetit të shpartalluar”, shkruan Korreshi në Facebook.
Policia nga ana tjetër, s’ka ende anjë reagim për rastin.
Discussion about this post