Në selinë e Kuvendit sot po zhvillohet mbledhja e përbashkët Kosovë-Shqipëri. Të pranishëm janë politikanë e figura të njohura nga të dy vendet. Deputeti i Partisë Demokratike të Kosovës Mërgim Lushtaku, ka deklaruar se kjo ditë dhe pse duket simbolike është madhështore dhe historike për nga përmbajtja. Sipas tij, nuk duhet të harrohej sakrific e dëshmorëve të Ushtrisë Çlirimtare të Kosovës.
“Mbledhja e parë e përbashkët e të dy Kuvendeve, atij të Shqipërisë dhe Kosovës, le të shënohet si mundësi e parë për korrigjim të historisë së padrejtë kundër shqiptarëve.
Kjo ditë edhe pse duket simbolike, nga përmbajtja është madhështore dhe historike.
Gjithashtu, në këtë ditë të veçantë për kombin tonë nuk guxojmë të harrojmë sakrificën e dëshmorëve, invalidëve dhe ushtarëve të Ushtrisë Çlirimtare të Kosovës, pa të cilën sakrificë nuk do të mund të vinim lirshëm dhe të kuvendonim së bashku.
Zoti e bekoftë Kombin Shqiptar!”, shprehet ai.
Discussion about this post