Deputeti i PD-së, Kreshnik Çollaku ka kritikuar fjalimin e kryeministrit Edi Rama në Asamblenë e Përgjithshme të Këshillit të Europës për raportin e Dick Marty-t mbi krimet e pretenduara të luftës nga UÇK. Me anë të një postimi në “Facebook”, Çollaku thotë se Rama tregoi arrogancë dhe fodullëk duke provokuar Këshillin e Europës.
Postimi i Kreshnik Çollakut:
Unë mbështes permbajtjen e kërkesës se kryeministrit ne Keshill te Evropes ne mbrojtje te se drejtes se luftetareve te UCK dhe ne denoncim te Raportit te Dick Marty. Une vleresoj totalisht te papjekur e te demshme arrogancen dhe fodullëkun me të cilën fjala e kryeministrit Rama provokon Këshillin e Evropës.
Kosova dhe antarësimi i saj në KE nuk ndihmohet duke sfiduar me gjuhë arrogante e fodulle antarët e Këshillit të Evropës në emër të Kosovës. E vërteta e UÇK nuk mbrohet duke u vetakuzuar se në “Shqipëri më cilësojnë si agjent serb”,e duke pritur ngazëllim grotesk nga përfaqësuesit serioz të KE.
Nuk ndihmohet as Kosova e as UÇK duke bërë shfaqje snobe e teatër grotesk në një forum aq të rendesishem si Keshilli Evropës. Nuk mbrohet Kosova ne Këshill te Evropës duke mbështetur një projekt serb si Open Ballkan.
Discussion about this post