Deputeti socialist Bujar Çela është parqitur gjatë mëngjesit të sotëm në SPAK.
Nuk ka informacion për arsyen por burimet shpjegojnë se është thirrur për inciedentin në biznesin e tij në Lushnjë ku humbën jetën dy persona, babë e bir dhe solli plagosjen e 7 të tjerëve.
Deputeti i Partisë Socialiste Bujar Çela u akuzua nga Prokuroria e Fierit për “shkelje të rregullave të mbrojtjes në punë”, “ndërtim të paligjshëm”, dhe “shkatërrimi i pronës nga pakujdesia”.
Çështja ndaj Çelës iu transferua për kompetencë Prokurorisë së Posaçme.
Kujtojmë që nga shpërthimi në magazinën e tij në Lushnjë më 1 mars 2024, humbi jetën drejtuesi i vinçit, Roland Hoxha dhe djali i tij, Elidon Hoxha, si dhe u plagosen 8 persona, mes tyre edhe vetë deputeti që iu nënshtrua ndërhyrjes kirugjikale.
Ngjara e rëndë ndodhi teksa vinçi, ku ndodheshin dy viktimat Roland dhe Elidon Hoxha, baba e bir, po ngrinte një bombol oksigjeni që do të përdorej në lartësi për të kryer saldime.
Por, maja e mjetit të hekurt ka hasur në telin përcjellës të tensionit të lartë e për pasojë bombola ka shpërthyer. Roland Hoxha ndërroi jetë në vinç, ndërsa i biri u transportua me ambulancë në drejtim të Tiranës, por fatkeqësisht rrugës ndërroi jetë.
Discussion about this post