Deputetja demokrate, Ina Zhupa, ka reaguar pas citimit që Edi Rama bëri një ditë më parë nga Alexis de Tocqueville gjatë mbledhjes së grupit parlamentar socialist, duke e akuzuar se ka manipuluar qëllimisht tekstin.
Ina Zhupa thotë se Rama ka lënë jashtë fjalën “e keqe” nga fraza e Tocqueville: “Përvoja na mëson se çasti më i rrezikshëm për një qeveri të keqe është zakonisht ai kur ajo fillon të reformohet”, duke e cilësuar këtë si një “autogol” politik.
Sipas Zhupës, citimi i plotë tregon se vetë Rama po pranon se drejton një “qeveri të keqe”, ndërsa e mbyll reagimin me thirrjen: “Një qeveri e keqe nuk i duhet shqiptarëve. Rama, jep dorëheqjen!”
Reagimi i plotë i Ina Zhupës:
A ke besë? Po institucione?
A i jepet besa një kryeministri që manipulon edhe citimet?
Qeveri e keqe, kështu e cilëson Rama qeverinë e tij, duke bërë autogolin e citimit të Tocqueville.
Tokëvili ( Tocqueville) shkruan në faqen 250 të librit të tij “Rregjimi i vjetër dhe Revolucioni”: Përvoja na mëson se çasti më i rrezikshëm për një qeveri të keqe është zakonisht ai kur ajo fillon të reformohet.
Këtë citoi Rama por “harroi” fjalën e KEQE duke mashtruar përsëri sic e ka zakon.
Një qeveri e keqe nuk i duhet shqiptarëve!! Rama jepe dorëheqjen!
Discussion about this post