Deputetja më e vjetër në Parlament, Luljeta Bozo ka komentuar shpalljen “non grata” të ish-kryeministrit Sali Berisha nga SHBA. Sipas saj, Sali Berisha duhet të hyjë në Kuvend pasi e ka votuar populli.
“Nëse hyn apo jo në parlament kjo varet nga dëshira e personit vet. Atë e ka votuar populli, ndaj nuk ka asnjë që ta pengojë të hyjë në parlament. Atë e pengon vetëm vetja e tij nëse e vendos vetë, por nuk e pengon dot njeri”, u shpreh Bozo.
Luljeta Bozo është deputetja e parë e Partisë Socialiste që del pro ardhjes së Sali Berishës në parlament.
Në 19 maj 2021, ish-kryeministri Sali Berisha dhe familja e tij u shpallën persona “non grata” nga Shtete e Bashkuara të Amerikës. Ish-kryeministri Sali Berisha ka ngritur padi ndaj sekretarit të Shtetit Antony Blinken për këtë vendim. Kji ëhstë hera e parë që një person ngre padi ndaj një vendimi të shpallur nga SHBA, nëpërmjet sekretarit të shtetit.
