Është përmbyllur mes duartrokitjeve edicioni i 11 i Festivalit Ballkanik të Filmit në Pogradec, i cili për 5 net me radhë solli në kinema të hapur 40 prodhime ballkanike nga regjisorë të rinj e të vjetër.
Gjitona.com, mëson se Çmimi për Filmin më të mirë shkoi për “Efekti i Lumturisë”, nga regjizori Borjan Zafirovski, Maqedoni e Veriut, ndërsa kinematografia më e mirë shkoi në Kosovë me “Aga’s House”, çmimin e të cilit e tërhoqi aktori Basri Lushtaku.
Çmmet e tjera që u shpërndanë në këtë Festival ishin: Filmi më i mirë i shkurtër për Slloveninë, Çmimi Best Balkan Spirit shkoi për “My Lake” të Gjergj Xhuvanit dhe Çmimi i Animacionit shkoi për Turqinë. Edhe në këtë edicion të pjesëmarrësit nga Ballkani u njohën me sitet më të bukura të Pogradecit dhe Korçës në kuadër edhe të promovimit të këtyre qyteteve.
