Dy klubet e Manchesterit janë futur në garë tashmë dhe për shërbimet e një mbrojtësi që në futbollin evropian po performon shumë mirë aq sa ka tërhequr interes nga klubet elitare.
Fjala është për mbrojtësin e klubit të Interit, Alessandro Bastoni.
Bastoni është një nga mbrojtësit më të dalluar në Serinë A por jo vetëm. Titullari i mbrojtjes zikaltër ka disa karakteristika të veçanta që shumë pak mbrojtës në Europë i kanë, si shpejtësia, teknika dhe topat e gjatë vizionarë të cilat ai ka mundur t’i shfaqë gjithmonë me asistimet e tij të përkryera ashtu si në ndeshjen fe fundit në UEFA Champions League kundër Benficës së Lisbonës.
Gjithsesi, kjo performancë e mirë e tij ka bërë që City dhe United të shfaqin një interes të lartë për shërbimet e kartonit të tij.
Kontrata e Bastonit me Interin skadon në vitin 2024 dhe Interi po punon për të rinovuar me të, por duke parë vështirësitë ekonomike të klubit lombard si dhe joshja që transmeton një kampionat elitar si ai anglez besojmë se Beppe Marotta do ta ketë të komplikuar të mbajë mbrojtësin italian nën hijen e San Siros.
Discussion about this post