“Cristiano Ronaldo është një nga lojtarët më të mëdhenj në 15 vitet e fundit, së bashku me Messi”.
Kështu është shprehur Pep Guardiola, trajneri i Manchester Cityt në konferencë për shtyp ku ditën e nesërme do të ketë përballë Djajtë e Kuq të Manchester United.
Guardiola nuk i beson aspak shifrave jo pozitive të yllit portugez por kërkon nga ekipi i tij përqendrim maksimal në derbin e së dielës në Premier League kundër United: ” Atë që kanë bërë këta dy lojtarë mbase nuk e shohim më kurrë. Kur arrin në nivele të tillë, në çdo sekondë të jetës je nën provim. Ronaldo është shumë i fortë, është një finalizues shumë i mirë, një top player. Nuk dua as që ta diskutojë fare këtë pjesë. Ka qenë një kënaqësi e madhe ta shihja këto vite, ne duhet të shfrytëzojmë pikat tona të forta për ta mbajtur sa më larg portës, pasi aty ai është thjesht i papërmbajtshëm”.
Discussion about this post