Përfundoi me rezultatin 2-0 ndeshja e së hënës në mbrëmje mes Romës dhe Spezias, e vlefshme për raundin e 17 të Seria A.
Që në formacion në këtë takim kishim derbi ‘Kuqezi’, me përballjen mes Marash Kumbullës nga vendasit dhe Rei Manaj nga ekipi mik.
Të dy shqiptarët zbritën në fushë që në minutën e parë dhe luajtën për plot 90 minuta me ekipet respektive.
Ky takim u fitua nga ekipi i mbrojtësit, me ‘Verdhekuqtë’ që dominuan thuajse të gjithë ndeshjen, megjithatë raste pati edhe Spezia përmes Rei Manajt, por që u goditja u prit nga Rui Patricios. Ndërsa më tej sulmuesi i Kombëtares shqiptare gjeti rrugën e rrjetës në pjesën e dytë, por goli i tij u anulua për pozicion jashtë loje.
Ndërsa Kumbulla nga ana tjetër u ndëshkua me karton të verdhë për një ndërhyrje të rëndë në mesfushë.
Roma mori fitoren falë golave të Chris Smalling dhe Ibanez, Roma duke barazuar me pikë, 28, Juventus dhe kaloi në vend të 6./K.T/Gijotina.com
Discussion about this post