E rëndë në Has, ndërron jetë foshnja 3-muajshe

Një ngjarje e rëndë ka ndodhur në Krumë të Hasit, ku një foshnje 3-muajshe ka ndërruar jetë pasi është asfiksuar.

Mësohet të ketë qenë nëna e foshnjes që ka njoftuar ngjarjen e rëndë, dhe ka bërë me dije se ngjarja ka ndodhur në banesë pa dhënë më shumë detaje.

“Më datë 14.12.2021, jemi njoftuar nga shtetasja G. P., 31 vjeçe, banuese në Krumë, se ka ndërruar jetë në banesë, foshnja e saj 3-muajshe”, njofton policia.

Grupi hetimor ndodhet në vendngjarje dhe pritet ekspertiza mjeko-ligjore për përcaktimin e shkaqeve të humbjes së jetës.