Këtë të enjte Partizani do të ndeshet me Tiranën në ‘Air Albania’ në orën 9:45 për raundin e 15 të Superligës.
Në konferencën e dhënë për mediat në prag të kësaj sfide trajneri i ‘Të kuqve’ të kryeqytetit, Ilir Daja u shpreh se derbi luhet për t’u fituar.
“Bëmë lojë të mirë, por nuk morëm rezultat me Kukësin. Këto nuk kanë rëndësi në derbi. Është ndeshja më e veçantë në Shqipëri. Nëse do i bënit çdo ndeshjeje reklame si derbit, do kishte dyfish tifozë. Do futemi në fushë për të fituar. Objektivi kryesor është fitorja, derbi luhet për t’u fituar”, -tha ai.
Më tej tekniku shtoi se presioni është i madh për këtë sfidë për shkak të historikut që ajo ka ndër vite.
“Një derbi ka gjithmonë presion, pavarësisht ku je në klasifikim. Kemi lojtarë që janë mësuar me derbin, ka që e kanë për herë të dytë. Lojtarët dinë ta menaxhojnë presionin, në mënyrë që të mos kemi problemet e së shkuara”.-deklaroi Daja.
Sipas tij Partizani e ka marrë kontrollin në çdo ndeshje dhe të njëjtën gjë do bëj këtë herë ndaj Tiranës.
“Në derbin me Tiranën e zbehin dyluftimet spektaklin. Duhet të jemi pragmatistë, por ne e kemi marrë në çdo ndeshje kontrollin e ndeshjes. Të njëjtën gjë do të bëjmë edhe nesër në derbi”, -tha ndër të tjera trajneri Ilir Daja./K.T/Gijotina.com
Discussion about this post