Këtë të enjte në orën 19:45 Tirana do të ndeshet në ‘Air Albania’ me Dinamon për takimin e kthimit të raundit të 1/8-ave të Kupës së Shqipërisë.
Në prag të kësaj sfide trajneri i ‘Bluve’ të kryeqytetit, Blendi Shkëmbi ka theksuar sërish se objektivi i tyre për këtë sezon është Europa.
“Objektivi minimal është Europa, nesër të arrijmë kualifikimin të bëjmë një ndeshje të mirë që do na shërbejë psikologjikisht në kampionat për t’iu afruar sa më shumë skuadrave të kreut. Koha e gjatë e pushimit nga ndeshja e fundit, na ka bërë mirë. Nuk është e thjeshtë, kemi në ekip lojtarë me eksperiencë, që i kanë provuar këto rezultate. Objektivi është ndeshja nesër. Duam të fitojmë dhe të kualifikohemi, do na bëjë të ndihemi më mirë edhe në kampionat, sidomos në anën psikologjike. Sofranac është rikthyer, ndërsa pjesa tjetër janë në rregull”, -theksoi ai.
Rikujtojmë se takimi i parë për kupën mes tyre u mbyll me rezultatin 2-0 për ‘Nëndetësen blu’, ndërsa ndeshja e javës së 9 të Superligës u fitua nga Tirana me rezultatin e thellë 4-0./K.T/Gijotina.com
Discussion about this post