Ka përfunduar në barazim 1-1 pjesa e parë e derbit të Italisë ndërmjet skuadrës së Milanit dhe Interit. Një lojë e barabartë ndërmjet dy skuadrave pretendente për titullin kampion. Interi kaloi në avantazh nga penalltia ku ish-lojtari i Milanit, Çalhanoglu u tregua i saktë ndërsa provokoi tifozët kuq e zi duke festuar përballë tyre. Më pas Milani u vendos në kërkim të golit të barazimit dhe i’a doli falë autogolit të De Vrij.
Megjithatë miqtë kishin mundësinë për të kaluar sërish në avantazh teksa fituan një tjetër penallti. Argjentinasi Lautaro Martinez gaboi pasi portieri Tatarusanu kuptoi krahun dhe shpëtoi ekipin nga goli i dytë. Në fraksionin e dytë të dyja skuadrat pritet të japin maksimumin për të marrë tre pikët e arta.
Discussion about this post