Dëshmia e dhënë për hetuesit Italianë e biznesmenit Davide Pecorelli, ku theksoi se “Kam kryer krime vetëm në Shqipëri”, ka vënë në lëvizje Prokurorinë e Pukës. Organi akuzës po shikon mundësinë për të nxjerrë një urdhër-arresti për Italianin. Sipas burimeve hetuesit e Pukës i kanë kërkuar kolegëve italianë, me anë të një letërporosie, të gjitha deklarimet që Davide Pecorelli pas thirrjes për të dëshmuar. Italiani, në intervistat e shkurta që ka dhënë për mediat ka pranuar se nëse ka kryer krime, ato i ka bërë në Shqipëri.
Deri në këtë fazë të hetimit dyshohet si autor i veprës penale të “Shkatërimit të pronës me zjarr” dhe “Dëmtim me dashje të varreve”, megjithatë në ditët në vazhdim do të shqyrtohet mundësia për të lëshuar edhe urdhër-arrestin ndaj tij.
Teksa zhdukja e mistershme e biznesmenit italian Davide Pecorelli u zgjidh, ka ende pikëpyetje për historinë që ai la pas në vendin tonë. Para 8 muajsh dyshime të forta u ngritën për një vrasje të mundshme të Pecorellit në Pukë.
U ngritën disa pista hetimi, ndërsa u desh dhe angazhimi i hetuesve Italianë dhe atyre Shqiptarë, për të zbuluar ADN-në e eshtrave që u gjetën në makinën e shkrumbuar, të cilat mendohej se i përkisnin biznesmenit. Por ngjarja merr një kthesë tjetër, pasi Italiani dje u gjet në gjendje të mirë shëndetësore në Toscanë, ku kishte sajuar një mashtrim dhe ishte fshehur.
Pikëpyetja që ngrihet është se kujt i përkasin eshtrat në makinë e djegur, në Pukë? Kë la të shkrumbuar në Shqipëri biznesmeni Italian? Të vërtetën e kësaj ngjarjeje pritet ta zbulojë vetëm Italiani, i cili nesër do të vihet para grupeve hetimore për të dëshmuar. / A.L gijotina.com /
