Nuredin Dumani, bashkëpunëtori i drejtësisë ka rrëfyer se kishte marrë urdhër për të ekzekutuar një pronar mediash në Shqipëri. Në dosjen që SPAK po ndalon gazetarët që ta publikojnë, shkruhet dhe për planin e ekzekutimit të një pronari mediash. Urdhri është dhënë nga grupe kriminale dhe një segment politik në Tiranë. Por emrat e tyre nuk janë zbardhur ende. Plani për ekzekutimin e personit në fjalë nuk është finalizuar, pasi ai ka rezultuar një “pre e vështirë”, ruhej shumë dhe grupi kriminal që kishte marrë në ngarkim detyrën, nuk e ka çuar dot deri në fund.
Rrallë herë në historinë e mediave është parë që një pronar apo sipërmarrës mediesh të ndiqej nga garda e sigurisë si në dalje publike ashtu edhe në takime zyrtare.
Megjithatë, raportimet dëshmojnë se njëri prej tyre është ruajtur historikisht nga bodygardat e sigurisë, dhe ky është Ylli Ndroqi. Sipërmarrësi mediatik dhe pronar i televizionit Ora.news ruhej gjithmonë nga 6-8 bodyguard në çdo dalje publike. Kujtojmë se biznesmeni u “bë akoma” më i njohur pas përplasjeve dhe konflikteve të interesave që kishte me kryebashkiakun Erion Veliaj, ku ky i fundit e sulmonte me deklarata. Ndroqi mesa duket ishte kthyer në problem për punët e kryebashkiaut.
Pikëpyetja që ngrihet është se a ishte Veliaj ai i cili çoi emrin e Ndroqit në listën e atentateve që duhet të kryente Dumani?
Lëvizja e SPAK vetë ngre dyshime. Organi i posaçëm i akuzës ka dalë dy herë më njoftim zyrtar sipas së cilës theksohej se një gazetar investigativ i televizionit Ora.news ka publikuar pjesë nga dosja hetimore e Nuredin Dumanit.
Prokuroria e Posaçme deri më tani nuk ka dhënë asnjë vendim që mos të publikohen dëshmitë e Dumanit. Për koincidencë tani që gazetari invsetigativ kishte në dorë planin e Dumanit për ekzekutimin e një pronari mediash, SPAK dha vendimin për të mos publikuar më.
Jo më kot u zgjodh gazetari i Ora.news pasi këtu ngrihen dyshime se pronari i medias që ishte urdhëruar për t’u ekzekutuar ishte Ylli Ndroqi, një person “problematik” për kryebashkiakun e Tiranës.
Organi i posaçëm i akuzës dhe hetimeve, godet drejtpërsëdrejti një gazetar në vend që të gjejë vetë prokurorin ose prokurorët që i disponuan dosjen e Dumanit.
SPAK justifikohet me sqarimin se gazetari E.Q., ka publikuar disa te dhëna sekrete, që shkonin përtej vendimit të gjykatës. Tani mbetet në dorën e hetimeve, për të zbuluar nëse Lali Eri ka porositur apo jo ekzekutimin e pronarit të medias Ylli Ndroqi, për të cilin vrasësi serial dështoi.
Discussion about this post