Pasi Nuredin Dumani vendosi të “zgjidhi qesen” dhe nxori zbuluar bandat, SPAK është vënë në lëvizje dhe ka bërë kërdinë me arrestime. Në lidhje me këtë çështje ka folur sot gjatë një interviste televizive avokat Kujtim Cakrani. Sipas tij, dëshmia e Dumanit nxori në pah pasigurinë që rrethon sot qytetarët shqiptarë dhe faktoi pamundësinë e prokurorëve apo policisë për të vepruar ndaj këtyre bandave kriminale të cilët nuk zbulohen prej vitesh.
“Ky është një ndër ato operacione që ka sjellë lehtësimin e qytetarëve sepse janë arrestuar apo janë shpallur në kërkim disa persona me rrezikshmëri të lartë kriminale. Për këtë duhet falënderuar bashkëpunëtori i drejtësisë i cili nxori në pah një sërë ngjarjes, vrasjesh mizore ku publiku shqiptar kuptoi që në Shqipëri ka grupe të tmerrshme kriminale, persona të cilët të vrasin pa asnjë lloj problemi. Nga pikëpamja e rendit, Shqipëria është në një gjendje të tmerrshme dhe qytetarët janë krejtësisht të pambrojtur dhe të ekspozuar ndaj krimit.
Kjo nuk mjafton sepse është policia ajo që duhet të kishte nisur hetimet dhe jo të priste që dikush të bëhej bashkëpunëtor drejtësie. Duke pasru parasysh faktin që në Shqipëri prej vitesh është folur për 20 grupe kriminale apo 4 klane mafioze dhe kjo ka bërë që policia të heshtë”, u shpreh ai
Mes të tjerash, Cakrani tha se nuk mjaftonte dëshmia e Dumanit, por policia duhet që të kishte hetuar më herët dhe të kishte zbuluar personat që kishin kryer këto vepra kriminale. Kjo tregon se vendi prej kohësh ka qenë nën pushtetin e bandave dhe asnjë masë nuk është marrë.
“Por duke qenë në këtë situatë, ku Dumani ka treguar për këto vrasje mafioze të tmerrshme, jemi para një realiteti të tmerrshëm të parë vetëm në Siçilinë e viteve ’80. Shqipëria sot gjendet nën pushtetin e krimit. Prokurorët janë inekzistent në zbulimin e organizatave kriminale që operojnë nëvend. Unë e kam thënë dhe e përsëris, nuk është e vështirë të identifikosh personat me rrezikshmëri të lartë shoqërore, sepse i gjen kudo, i ke me biznese, me makina luksoze me hotele e lloj biznesesh”, u shpreh Cakrani. Kujtojmë se ditën e sotme GJKKO mori vendimin për burëg për disa nga të arrestuarit e kësaj dosje.
Discussion about this post