Pas skandalit të publikimit të të dhënave private të mbi 1 milionë shqiptarëve, ku dolën të dhëna të cilësuara sekrete, si numri personal, vendi i punës, pagat, etj, përgjegjësi kryesor për këtë është vënë AKSH-i, (Agjencia Kombëtare e Shoqërisë së Informacionit). Pas këtij skandali, AKSH-i është cilësuar si i pasigurt për të mbajtur informacione sensitive, edhe pse në të janë investuar miliona lekë.
AKSH-i është një nga autoritetet që është legjitimuar për të kryer kontrata të klasifikuara për qëllime të sekretit dhe sigurisë shtetërore. Janë cilësuar me statusin e Klasifikuar, ku janë blerje shërbimesh apo pajisjesh për të cilat për arsye sigurie autoriteti shtetëror nuk bënë njoftim publik dhe nuk publikon të dhëna dhe drafte të kontratës.
Duke qenë kontraktime të mbyllura pa garë, më një grup të caktuar kontraktorësh, pa oferta konkurruese të hapura, ky grup veprimesh shpesh mund të karakterizohet edhe nga defekte të konkurrimit dhe konkurrencës. I vetmi informacion që vjen për këto kontrata është ai përmes Transaksione Thesari ku Kompanitë Klient përfitues paguhen për shërbimin.
Për periudhën 2019, 2020 dhe gjashtë mujori i parë i vitit 2021, përmes thesarit vetëm autoriteti shtetëror AKSH-i ka realizuar 481 transaksione, me vlerë totale prej 2.381.286.535 lekë, ose rreth 2.38 miliardë lekë.
Në tenderët e AKSH-it shumë nga kompanitë që i kanë fituar, janë me lidhje te ngushta me pushtetarët. Pra, kompanitë e miqve të qeverisë dhe ish-ministrave marrin miliona dollarë nga buxheti i shtetit në tenderët sekretë të AKSHI-t, dhe argumenti se si AKSHI justifikon këto tenderë sekretë është ai i sigurisë së të dhënave. Të vetmet gjëra që AKSHI mban sekrete në mënyrë rigoroze janë tenderët, ku abuzohet me paranë publike.
Gijotina.com
Discussion about this post