Kryenegociatori i Kosovës në bisedimet në Bruksel, Besnik Bislimi, ditën e sotme ka bërë me dije se Serbia edhe njëherë u tregua dekonstruktive në takimet e ditës së djeshme. Ai gjithashtu ka falenderuar Emisarin e BE-së, Miroslav Lajçak për siç ka thënë përpjekjet e sinqerta për përfundim të suksesshëm të negociatave për targat dhe energjinë.
Përkundrazi pritjeve dhe angazhimit para takimit, Serbia sërish nuk ishte konstruktive në takimet e djeshme në Bruksel. Zgjedhja për pengimin përmes pjesëmarrjes si strategji parësore po rezulton efikase në parandalimin e progresit.
“Konstruktiviteti dhe kreativiteti nga ana jonë është i nevojshëm dhe i dobishëm, por me sa duket jo i mjaftueshëm. Dua të falenderoj Miroslav Lajçakun për interesin dhe përpjekjet e tij të sinqerta drejt përfundimit të suksesshëm të negociatave për targat dhe energjinë”
Nga ana tjetër, kryenegociatorët Bislimi e Petkoviç, s’kanë arritur marrëveshje për targat pas takimit të djeshëm në kryeqytetin evropian.
Të dy palët patën takime bilaterale me Emisarin për dialog, Lajçak, por që mungoi takimi trilateral mes tyre.
Discussion about this post