Ditën e sotme kreu i grupit parlamentar të PD-së, Enkelejd Alibeajt zhvilloi mbledhjen me Grupin Parlamentar. Në lidhje me këtë mbledhje a folur edhe ish-kryeministri Sali Berisha i cili tha se sot dështoi dhe më pas doli duke folur për mediat si ministër i Ramës. Berisha është kundër idesë, që deputetët janë të ndarë në tre grupime, pasi pretendon se ata që nuk morën pjesë në Kuvendin e 30 prillit janë në meditim dhe shumë shpejt do ti bashkohen shumicës opozitare.
“Dështoi plotësisht, nuk realizoi asgjë në mbledhje, deputetët ja kundërshtuan qëndrimet dhe doli sikur të ishte një ministër i Edi Ramës. Nëse ju keni konceptin e partisë, partia ka forume dhe përfaqësohet nga forumet e zgjedhura të saj. Çdo deputet ka në parti një vend anëtar kryesie në degën nga e cila ka ardhur. Nuk është e vërtetë që deputetët janë në tre grupe. Ata janë deputet të PD-së dhe të jesh i sigurt që të gjithë do jenë në aktivitetet e PD. Janë akoma në meditim, por vendi i tyre është tek shumica. Erdhën sot në atë takim që nuk arriti dot kuorumin, ai dështoi. I bindur jam se progresivisht deputetët do të jenë tek shumica. Unë kam besim në botëkuptimin e tyre politik. Ata janë të lirë, ka tek tuk si ky, po ato janë punë të tjera pastaj, ato janë analet e zeza të çdo shoqërie dhe të çdo shteti. Pra nuk ekzistojnë tre grupe, por ekziston një grup parlamentar me probleme që do zgjidhen” – tha Sali Berisha.
Discussion about this post