Valceri i trajnerëve në kombëtaret e Amerikës Latine vazhdon. Pas zërave, pothuajse të konfirmuara plotësisht, se Brazili do të drejtohet së shpejti nga Carlo Ancelotti, edhe fqinji jugor i vendit më të madh të Amerikës së Jugut, Uruguai nuk mbetet prapa dhe kërkon që tani një trajner të ri, të aftë për të rikthyer “La celeste” në majat e futbollit botëror.
Sipas gazetarit Wilson Mendez, në grupin e zëvendësuesve të mundshëm të Diego Alonsos për rolin e trajnerit të kombëtares uruguaiane është dhe Jorge Sampaoli.
Sampaoli sapo është shkarkuar nga detyra e trajnerit të klubit spanjoll, Sevilla pas rezultateve tejet zhgënjyese në Kampionatin Spanjoll të Futbollit.
Ndërkohë, gjatë dy ndeshjeve të fundit, ekipi 2-herë Kampion Bote u drejtua nga tekniku i përkohshëm, Marcelo Broli.
Discussion about this post