Plani për arratisje i Arbër Çekajt dhe Flamur Pjetrit nga burgu 313 në Tiranë nuk ishte aspak i mirëmenduar! Detaje të reja janë zbuluar nga tentativa e arratisjes. Mësohet se një prej të burgosurve ka zbritur deri tek dera e daljes, destinacioni i fundit pasi nuk mundën që të shkonin përtej portës.
Njëri pas tjetrit dy të dënuarit, Arbër Çekaj dhe Fatmir Pjetri, pasi kanë varur çarçafët nga muri rrethues për te hyrja administratës, kanë nisur të zbresin, ku njëri prej tyre ka qënë pranë derës së daljes së burgut 313.
Aty njëri prej personave që tentoi arratisjen është përplasur me gardianin ku edhe e ka goditur me një send të fortë duke i shkaktuar dëmtime në koke. Por ndërhyrja e kolegut të tij ka netrualizuar cdo gje, duke i prishur planin Çekajt e Pjetrit.
Kontrolli i Brendshëm i Burgjeve ka nisur verifikimet për të parë nëse ka pasur shpërdorim detyre nga zyrtarë të tjerë të burgut 313, pasi tentativa e tyre nuk u konstatua nga asnjë gardian tjetër dhe pse burgu është i mbushur me kamera sigurie.
Materialet për tentativën e grabitjes janë referuar në prokurori, ku hetuesit tashmë pritet që të marrin në pyetje edhe gardianët e tjerë të burgjeve për të hedhur dritë nëse ka pasur bashkëpunim mes të dënuarve dhe të burgosurve që tentuan arratisjen.
