Propaganda e qeverisë me sistemin e E-albania ka lënë në radhë ditën e sotme fermerët e Fierit, pasi sistemi që trumbetohet me të madhe nga qeveria nuk punon, dhe kjo jo për herë të parë.
Ishte vetë qeveria që lajmëroi se nga data 25 shkurt deri më datë 25 mars, fermerët dhe blegtorët kanë afatin e aplikimit për subvencione për të përfituar naftë falas, por ende nuk ka pasur asnjë aplikim tek E-albania, pasi fermerët kanë konstatuar duke e bërë të pamundur regjistrimin në sistem.
Ngutja që në orët e para të mëngjesit vjen pas deklaratave të përfaqësuesve të ministrisë se kush aplikon i pari, përfiton më shpejt. Si pasojë në pikat e AZHBR-së janë formuar radhë të gjata pasi fermerët kanë vrapuar për të aplikuar sa më shpejt por ka probleme me serverin. Në rast ezaurimit të fondeve, çdo fermerë apo blegtorë që është shpallur fitues, nuk mund të përfitojë.
Fermerët shprehen të irrituar se kanë që në mëngjes që presin, ndërsa ndihen të pasigurt nëse do të përfitojnë naftë, pasi vitin e shkuan pati prej tyre që nuk përfituan asgjë.
“Janë maskarenj, debila, disa marrin disa nuk marrin, vij sot për herë të parë, s’ka informacion nuk ka asgjë të sigurt, hajde pas orës 11 kanë, poshtë komunizmi”, u shpreh njëri nga fermerët.
“Hajde javën tjetër se s’ke asistencë më thanë, moj zonjë unë nuk kam marrë naftën e parë, zero mbështetje kemi, vetëm dru në krahë, nuk marrim asgjë, nafta ka vajtur në fund në asgjë, tha një tjetër.
“Më shumë se gjysmë ore që presim, erdha të bëjmë dokumentet na thanë që sot fillon aplikimi dhe po presim, nga Varibopi jam, 150 kokë dhenë kam, aplikova dhe vjet po na thanë që jemi vonë dhe nuk morëm gjë”, deklaroi një fermer.
Përfaqësuesit e institucionit në Fier janë shprehu se aplikimet bëhen vetëm online dhe nisin pas orës 11:00, por Gijotina.com mëson se ende nuk është regjistruar askush, ndërsa qytetarët ndihen të pasigurtë nëse do ta përfitojnë në të vërtetë naftën ose jo.
Discussion about this post